POESIA DIALETTALE SICILIANA

POESIA SICILIANA
Vogliamo che questo articolo sia il primo di una lunga serie dove parlare di poesia dialettale. Rendo un grazie a SICULUSUGNU che per primo si è adoperato mandandomi alcune poesie ( molto belle) di un poeta di Sciacca.Da ora parlerà e scriverà Siculusugnu che racconterà del suo amico poeta."Buon ascolto" e usate le orecchie dell'anima.

Ignazio Russo, (1928-1981) poeta dialettale saccense è un autore che, fortemente ancorato alla sua terra, alla Sicilia e in special modo a Sciacca, descrive nelle sue poesie uno spaccato storico e sociale del luogo in cui egli visse e dal quale mai si staccò.
E' NATALI
Auguri, Bon Natali!

E' Natali - sì - lu sacciu;

ma chi m'interessa,

pi mia è na jurnata la stessa.

Cu nasci, cu mori, chi m'importa

è na fera!

Nun nascemu tutti a la stessa manera.

Iò nascivi 'nta 'na grutta

e nun sugnu Diu.

A chi vali nasciri 'nna sta terra,

dunni regna l'odiu e la guerra?

Quanti Gesù nascinu 'nto munnu,

'nta li chiesi, 'nna li presepi ogn'annu.

Ma tutti sti bammini dunni sunnu

siddu esisti e moltiplica li 'ngannu?

A chi vale nasciri, pi soffririsi

la casa è povira, si la terra è arsa,

si t'arrusti u suli e t'acchiappa 'ntesta.

Cu chianci, cu riri;

ma chi m'interessa,

pi mia è 'na jurnata la stessa.

C'è tirrimotu, trema a terra, 'u cielu scura

- Ma li bummi no! la guerra no!

E finu a quannu chistu c'è

chi m'interessa,

pi mia è 'na jurnata la stessa.

Quannu c'è a paci ni lu munnu:

è Natali, è Pasqua ogni jornu.

Quannu mi chianci lu cori - si ma è la natura!

s'abbrazzanu lu niuru e lu biunnu

e quannu li cunfini nun ci stannu; chiamami:

picchi anchi mortu ti rispunnu.

CATERINA
La zza Caterina, schetta granni,

un jornu vosi iri a lu stazzuni!

avia chi nun ci ja cchiù di trent'anni

a dàrisi 'nta mari un sguazzuni!

Si priparau suttana e mutanni

e pi manciari si purtau un muluni,

un muccaturi e un linzolu granni

e tutti li cosi isi 'nta un cuffuni!

Lu paracqua pigghiau di lu zzu Vanni

p'arriparàrisi lu sulliuni...

e pi nun bruciari li sò carni

di sacchi vecchi fici un tinnuni.

Ma quannu a la matina ci scinnìu

e vitti a tutti nudi pari-pari...

già di lu bagnu idda si pintìu

ristau muta e un sappi cchiù parlari,

Oh Diu! Si cumparissi iò 'n custumi

cu sti me jammi sicchi arrapacchiati

avissi a parìri un calanniruni

cu tutti cosi musci e allaccarati!

La mischinedda fu murtificata,

e nun sapia chi pisci pigghiari

" Gesù!... Gesù!... Chi èbbica spurcata!

Ccà semu junti? E dunni am'arrivari?

O matri! matri!... Chi gran vastasata!

Nun c'è cchiù munnu, nun c'è cchiù sintimentu!

Forsi ci curpa l'acqua ch'è salata

o ddu discursu ... chi nunn'avi abbentu!

E quannu mai l'èbbica passata

accussì nuri e stritti abbrazzati?

O matri mia, chi casa cunsumata!

E st'omini chi sunnu abbassamati?

Si fussi vivu mè pà bon'armuzza

maravigghia ch'avissi a cumminari!

'Na vota chi mi vittiru la jammuzza,

pi 'nna simana 'un potti chiù afacciari.

Tannu la donna si tinìa dura:

lu càvuru l'avia suppurtari,

ora inveci ti camina nura

o cu vistina chi sutta... traspari!

Mànichi li vistiti 'unn'hannu cchiù:

sù stritti, cutti e mali cumminati,

sutta si viri lu megghiu e lu cchiù

si stannu còmmiri e assittati.

La moda, è giustu, sav'a suddisfari

e 'nta la stati c'è lu sulliuni,

ma certi cosi s'hann'a quatalari

picchì sinnò si brucia lu pagghiuni!! "